Тўлебий тумани «Султонработ» мактабида Элбошимизнинг «Келажакка йўлланма:маънавий янгиланиш» дастурий мақоласи доирасида «Қиз – миллатнинг келажаги» кўрик-танлови уюштирилди. 

Унда 9-11-синф қизлари куч синашди. Камина ва муаллима К. Ниёзова уюштирган бу тадбир қизларимизнинг маънавий-ахлоқий билимини янада ошириш, эркин фикрлаш қобилияти, нутқ маданиятини ўстириш, халқимизнинг анъана ва урф-одатларини тарғиб қилиш, истеъдодлиларни аниқлаб, муносиб рағбатлантиришга қаратилди.

Қизлар «Ҳунарли ўзар», «Пазандалик маҳорати», «Шоиралар ижоди менинг қалбимда», «Артистик маҳорат» шартлари бўйича беллашдилар. 11-Б синф ўқувчиси Сарвиноз Бердибоева «Шоиралар ижоди – менинг қалбимда» шарти буйича Зулфия ролини зўр маҳорат билан ижро этиб, «Она кўзлари» монологини ўқиди ва олий ўринни эгаллади. Учта совринли ўрин 10-“Б” синф ўқувчиси Юлдуз Аъзамова, 10-“А” синф ўқувчиси Нигора Абдирова ва 9-“Б” синф ўқувчиси Малика Турдиметовага берилди.

Иштирокчи қизлар мактаб маъмурияти томонидан совғалар ва мақтов ёрлиқлари билан такдирландилар.