Сўнгги 10 йилда юртимиз футболига Улан Қўнисбаев, Серикжан Мужиков, Сергей Хижниченко, Бауржан Исламхан каби спортчиларни туҳфа қилган «Coca-Cola – Былғары доп» мусобақаси жорий йилда турнир тарихида илк бор элимизнинг бош стадиони – «Астана-Арена»да ўтиб, бош совринни жанубийқозоғистонликлар, аниқроқ қилиб айтганда, 89-сонли "Қайнарбулоқ" умумий ўрта мактаби футболчилари жамоаси қўлга киритди. 

2002-2003 йилги ўсмирлар иштирок этган беллашувда элимизнинг барча мактабларидан 4000дан зиёд ўқувчи иштирок этди. Улардан 300 нафари 16 жамоа таркибида Астана стадионида ўтган мусобақаларда ўз маҳоратларини намойиш этишди. Жанубий Қозоғистон,

Алмати, Манғистов вилоятлари ва Астана шаҳри чорак финалга чиқди.

Қозоғистоннинг sportsffa.kz спорт сайти вилоятимиз жамоаси таркиби асосан ўзбек болаларидан, Қорабулоқ қишлоғи спортчиларидан иборат эканини эътироф этди. 

Ғолиб жамоани Шимкент темир йўл вокзалида вилоят ўзбек этномаданият бирлашмаси раиси Бадриддин Нишонқулов бошчилигидаги гуруҳ қарши олди(тасвирда).