Уруш! Бу сўз замирида қанчадан-қанча азоблар, қурбонлар, ногиронлар, дарё бўлиб оққан қонлар, шаҳид кетган аскарлар, уларнинг оиласига келган қора хатлар ётганини ҳис этамиз. Уруш туфайли жуда кўп гўдаклар ота меҳ­­ридан, ота-онасидан, уйидан, Ватанидан жудо бўлдилар, қанчадан-қанча кишилар мажруҳ бўлиб қайтдилар.

Қўлига қурол олишга қурби етадиган барча “Ҳамма нарса фронт учун, ҳамма нарса ғалаба учун!” шиори остида Ватан ҳимоясига отланди. 1418 кеча-кундуз давом этган уруш­­­да эришилган ғалабага муносиб ҳисса қўш­­­­­­­­­­­­­­­­­­­ган ўзбек ўғлонлари, ҳамқишлоқларимиз қаторида Бўтабой Содиқов ҳам бор эди.

Б. Содиқов 1916 йил 23 февралда Жанубий Қозоғистон вилояти, Сайрам туманининг Сайрам қишлоғида туғилган. Қуролли кучлар сафига чақирилгунга қадар Сайрамдаги МТСда ҳисобчи бўлиб ишлаган. 1941 йилда Сайрам туман ҳарбий комиссариати то­­­­­­мо­нидан ҳарбий ҳизматга сафарбар этил­­­­ган. Днепр дарёсини кечиб ўтиш чоғида қаҳрамонлик кўрсатиб, шуҳрат қозонди. Унга Совет Иттифоқи Қаҳ­рамони унвони берилди. Урушдан сўнг у “Казсельхозтехника” туман бўлимида, Сайрам қишлоқ кенгашида ҳисобчи, Сайрам қишлоқ Кенгаши раиси бўлиб ишлади. У 1993 йил 18 январда вафот этди. Биз ҳар йили мактабда қаҳрамон бобо­­­мизни ёдга олиб, туғилган кунини катта тантана билан нишонлаймиз.

Тасвирда: қаҳрамоннинг фарзанди М. Бўтабоев тадбир меҳмони.