Мексикалик боксчи Сауль Алвареснинг 5 май куни ўтадиган Головкинга қарши жангни бекор қилганлиги кўпчилик мухлислар қатори бизнинг ҳам кўнглимизни хира қилди. Канело допинг синовларидан ўта олмагач, жангни кейинги қолдирган эди. 

Головкин билан иккинчи марта жанг ўтказишдан бош тортган мексикалик боксчи “НВО” телеканали, жанг ташкилотчилари, унга яқиндан ёрдам берган ҳомийлар, қолаверса, барча мухлисларидан узр сўради.

Канелонинг мухлислари олдида қандай оқланганлиги барчага қизиқ бўлса керак. Маълумотларга кўра, тақиқланган препарат боксчининг қонига гўшт орқали тушган. Ҳатто унинг шифокорлари ҳам буни билишмаган.

Ўрта вазн тоифасидаги жаҳон чемпиони ҳамюртимиз Геннадий Головкин 5 май куни жанг ўтказишни жуду-жуда истайди. У билан беллашиш истагини билдирган боксчилар ҳам талайгина. Улар: америкалик Жермалл Чарло, Демитруис Андраде, украиналик Сергей Деревянченко, ирландиялик Гэри Салливан, бразилиялик Ямагучи Фалькао, мексикалик Хилберто Рамирес ҳамда Сезар Чавеслар ҳамюртимиз билан беллашишни хоҳлашади.

Ёдингизда бўлса, Головкин ва Альварес ўртасидаги дастлабки жанг 2017 йилнинг 17 сентябрида ўтган ва унда жанговар дуранг қайд этилган эди.