ҚР “Атамекен” Миллий тадбир­­корлар палатаси президиумининг раиси Тимур Қулибаев иш сафари билан Жанубий Қозоғистон вилоятига келди. 

У вило­­­­ятдаги тадбиркорлик ва ма­ҳаллий биз­несдаги мураккаб маса­лаларни муҳокама қилиш мақ­садида уюштирилган Тад­биркорлар палатаси минтақавий кенга­шининг кенгай­тирилган мажлисида иштирок этди.

Учрашувда вилоят ҳокими Жансейит Туй­мебаев, Миллий тадбиркорлар палатаси Бош­­­­­­­­­­­­­­қаруви раиси Абилай Мир­­­­­­­­­­­­­­захметов, Минтақавий па­­­лата раҳбарияти, давлат ор­­­­­­­­­­­ганлари ва бизнес-ҳам­жа­­­­­­миятлар, банклар ва молия институтлари вакиллари, шу жумладан, товар ишлаб чиқа­рувчилар қатнашдилар.

Йиғинда Тимур Қулибаев “Атамекен” МТП фаолиятининг асосий натижаларига тўх­талди. 

– Қозоғистон учун умуман янги тушунча – бизнес-ом­бунд­­­­­­­­­смен институти жорий этилди. У қозоғистонча биз­­неснинг муҳим масалаларини ҳал қилишга имкон беради, – деди раис.

Шунингдек, астаналик меҳ­­­­­­­­­мон ёшларни тадбир­кор­­­­ликка мактаб ёшидан ўр­­­­гатиш лозим­­­­лигини айтиб, бугунги кунда Таълим ва фан вазирлиги билан ҳамкорликда юқори синф ўқувчилари учун махсус фан жорий этилишини маълум қилди. Бу демографик ўсими юқори Жануб учун айни муддао, деди у.

Бизнес вакиллари иштирок этган учрашувда вилоят ҳо­кими Жансейит Туймебаев муҳокама қилинаётган маса­лаларнинг аҳамиятига тўх­­­талиб, қуёшли ўлка тад­биркорларининг иқти­­содиётга қўшадиган ҳиссаси улкан эканини таъкидлади.

– Бугунги кунда вилоятда қулай бизнес иқлимини шакллантириш ҳамда кичик ва ўрта тадбикорликни ри­вожлантириш учун барча шароитлар мавжуд. 2017 йи­­­­­ли саноат маҳсулоти ҳаж­ми 858,4 млрд. тенгега ўсиб, 102,1 фоизни ташкил этди. Янги корхоналар очилиб, ишлаётганлари янгиланди. Шунингдек, қайта иш­лаш саноатининг асосий ка­­­­пи­­­­­­­­­­­­­талига 129,4 млрд. тенге сар­­­моя жалб этилди, бу 2016 йилга нисбатан 2,4 баравар кўп. Ушбу кўрсаткич бўйича республикада 1-ўриндамиз, – деди минтақа раҳбари.

Вилоят тадбиркорлар па­­­­­­­­­­­латаси директори Асқар Абу­­­­­­­­­­бакиров палатанинг фа­­­­­­о­­­­­­­ли­­­­­яти, минтақадаги кичик ва ўрта бизнес ҳамда инфра­­­тузилмаларни ривожлантириш аҳволи ҳақида батафсил маълумот берди.