1998 йил 6 май куни Президент Нурсултан Назарбаев Ақмўла шаҳрини Астана деб номлаш тўғрисидаги Фармонни имзолади. 1998 йили 10 июнь куни янги пойтахтнинг тақдимоти ўтди.1999 йилда ЮНЕСКО қарори билан Астана “Әлем қаласы” унвонига эга бўлди.

2008 йил 6 июнда Астананинг 10 йиллиги нишонланди. Қисқа фурсатда Элбоши ишончини оқлаб, халқимизнинг порлоқ келажак шаҳрига айланди. 10 йилда аҳоли сони 3 бараварга кўпайди. Бу кўрсаткич Астанамизнинг жаҳондаги жадал ривожланиб келаётган энг ёш шаҳар эканини билдиради. Пойтахтнинг бунёд этилиши Элбошининг беқиёс жасорати. Янги Астанамизнинг қурилиши – навқирон мамлакатимизнинг бунёдкорликка интилиши, жамиятимиз янгиланишининг ўзгача кўринишидир. 

Ота-боболаримизнинг асрлик орзуси ушалди, зеро, тўрт-беш йилда янги пойтахт қурган мамлакат тарихда бўлмаган. Инсоният ўтмишида пойтахтини янгилаган давлатлар етарли. Биз янги аср, янги минг йилликнинг зарварақларига ривожланган мамлакат, мустақил эл сифатида кирдик. Ёшларимизни келажакка бошлайдиган бош шаҳримиз, шукуҳли Астана – таълим, фан, маданият, бетакрор меъморий иншоотлар марказига айланди.

Нурсултан Абишули «Евроосиё юрагида» китобида: «Шаҳарларнинг ҳам одамлар каби ўз тарихи бўлади. Улардан ҳар бирининг ўз номи, бетакрор таржимаи ҳоли, дунёда ҳеч бир ерга ўхшамайдиган белгилари бор», деб ёзганди. Британиялик «The Sunday Times» газетаси ўзининг 2005 йил 20 февралдаги сонида: «Астанада юз бераётган ўзгаришларга ақл бовар қилмайди. Буни амалга ошириш учун Қозоғистон Президенти Нурсултан бўлиши керак», деб ёзади. 

Демак, маҳобатли Астана – Элбошининг таржимаи ҳоли, десак янглишмаймиз.