Қозоғистон Республикаси Президенти Маъмуриятининг ва Мақтаарал туман мас­ла­­­­­­­­­­­ҳа­­­­­­­­­тининг розилиги би­лан Жа­­­мантай Қанайули Бей­­­­­­сен­­­баев Мақтаарал тумани ҳокими этиб тайинланди.

Ҳокимни туман зиёлиларига таништирган минтақа раҳбари унинг келгуси ишларига му­ваффақият тилаб, Элбоши томо­нидан тасдиқланган давлат дас­турларининг сифатли амалга оширилишида алоҳида жонбозлик кўрсатишни топширди.

– Президент жорий йилги Мактубида қишлоқ хўжалигига катта эътибор қаратди. Айниқса, ушбу соҳани рақамлаштириб, маҳсулот етиштиришни орттириш вазифасини  кўндаланг қўйди. Бу йўналишдаги ишларни мувофиқлаштиришда Жамантай Бейсенбаевнинг тажрибаси ва малакаси етарли деб ўйлайман. Ҳозирги кунда бу ерда баҳорги ишлар қизғин, ғўза уруғи етарли. Кўкламги ишларни маромига етказиб, ҳудуднинг иқтисодиётини орттиришни, қолаверса қайта ишлаш соҳасига сармоядорларни жалб этиб, полиз ва сабзавот экинлари экспортини кенгайтиришни топшираман, – деди Ж. Туймебаев.  

Ж. Бейсенбаев 1958 йили дунёга келган. Олий маълумотли. Ихтисоси бўйича олим, агроном, адвокат. Меҳнат фаолиятини 1982 йили Алмати шаҳар Қаскелен тумани “Пригородний” давлат фирмасида катта агрономликдан бошлаган. Жетисай туман ҳоки­ми­нинг биринчи ўринбосари, Матаарал туман қишлоқ хўжалик бошқармаси раҳбарининг ўринбосари, Жетисай шаҳри ҳокими, Мақтаарал тумани ҳокимининг ўринбосари лавозимларида ишлаган. 

2011 йил июнь ойидан Мақтаарал тумани, Жетисай  шаҳри ҳокими, 2015 йили Мақтаарал тумани ҳокими лавозимларида ишлаган. 2016 йилнинг август ойидан бугунга қадар Жанубий Қозоғистон вилояти ҳокимининг маслаҳатчиси бўлган.