– Сўнгги йилларда сув спорти ривожланиб бормоқда. Мазкур спорт тури билан шуғулланувчилар асосан вилоят маркази ва шаҳарларда кўпчиликни ташкил этади. Шулар қаторида Туркистон шаҳри ҳам сув спорти бўйича яхши натижалар кўрсатиб келмоқда, – дея хабар қилади Туркистон шаҳар ҳокимининг матбуот хизмати.

Шуни алоҳида таъкидлаш жоизки, шаҳар марказида 2014 йил август ойида “Туркистон сув спорти мажмуаси” фаолиятини бошлаган эди. Спортсеварлар ўша қувончли кунларда Келгусида сув спорти бўйича Туркистоннинг шарафини юксакларга кўтарадиган усталар етишиб чиқишига ишончимиз комил, – дейишган эди. Бу эзгу ниятлар ижобат бўлиб, мазкур сув мажмуаси устозларининг тинимсиз ҳаракатлари натижасида Нурасил Бўжбанбай шаҳримизни республикага танитди. 

Кўкшетов шаҳрида ўтган “Жемчужина Бурабая” сузиш мусобақасида 2007 йил туғилган ва ундан кичик ёшдаги ўғил ва қиз болалар ўртасида Қозоғистон Республикаси чемпионатида туркистонлик Нурасил Бўжбанбай 3-ўрин соҳиби бўлди. У шаҳардаги М. Абенова номли умумий ўрта мактабнинг 5-синф ўқувчиси. 

Ғалабага эришишда унинг устози Ғалимжан Қудияров раҳбарлик қилаётган сув спорти мажмуаси спорт усталари Арман Жузеев ва Нурлихан Кўшербаевларнинг хизматлари беқиёс эканлигини таъкидлаш жоиз.