Вилоятимизда “BILIM ALEMI” / EDUCATION WORLD-2018” биринчи халқаро кўр­­­­газмаси ўтди. Унда 30дан зиёд халқаро ва Қозоғистондаги олий ўқув юртлари, агентликлар битирувчиларига мутахассислик ва ўқиш жойини танлашда, иккинчи таълим олиш имкониятлари ҳамда касбий маҳоратини ошириш тўғрисида маълумотлар берди. 

Мазкур тадбир ҚР Таълим ва фан вазирлиги ҳамда вилоят ҳокимлигининг ташаббуси би­лан уюштирилди. Таълим кўр­­­­­­­­­­­­­­­­­­­­­­­­­­­­­­­­­газ­­­­­масини оралаб чиққан ви­­­­­­­­­­­лоят ҳокими Ж. Туймебаев ёш­ларни имкониятлардан кенг фойдаланишга чақирди.

– Элбошимиз “Келажакда юр­тимиз муваффақиялари унинг табиий бойликлари билан эмас, одамларнинг рақобат­бардошлик қобилиятлари би­лан аниқланади” деб айтган­ди. Шунингдек, Давлат раҳбари  ўз Мактубида  таълим соҳасининг янги, илғор тизимини ташкил этишни тезлаштиришни топ­ширди. Шу мақсадда сиз­ларни таълим хизматлари билан та­ништириш учун биз ушбу май­донни тавсия қилмоқдамиз. Бу каби тадбирлар таълим соҳасида ҳамкорликни кенгай­тириш ва минтақанинг умумий таълим да­­­­­ражасини оширишга имкон яра­тиши шубҳасиз, – деди Жансейит Туймебаев. 

Тадбирда Америка, Канада, Кипр, Латвия, Малайзия, Россия, Хитой, Франция, Чехия, Тайланд ва Қозоғистоннинг олий ўқув юртлари таълим грантлари ва стипендияларини тавсия қил­ди. Шунингдек, минтақа раҳ­бари юқорида таъкидланган таълим муассасаларини Ташак­кур­нома­лар билан тақдир­лади. 

Кўргазма ниҳоясида анжу­манлар ва учрашувлар уюшти­рилди.