Шимкентликларни сифатли ичимли сув билан таъминлаб келаётган “Сув ресурслари-Маркетинг” корхонасига 20 йил тўлди.

Юбилей арафасида ўтган халқаро илмий-техника анжуманида муассаса ходимларига алоҳида эҳтиром кўрсатилди.

Сув – тириклик манбаи. Сувдан фойдаланиш талабларини мувофиқлаштириш ҳамда аҳолини ичимли сув билан таъминлаш таъкидланган корхонанинг асосий мақсади. “Сув ресурслари-Маркетинг” МЧБ 20 йилдан буён ана шу вазифани самарали ҳал этиб келади. У 2006 йилдан буён Қозоғистон бўйича биринчи, МДҲ давлатларида учинчи бўлиб халқаро андазалар асосида фаолият юритмоқда.

Биродарлик ва ЖҚВ ҳокимлиги ҳамкорликда уюштирган “Аҳоли манзилларини сув билан таъминлаш. Муҳим ва самарали қарорлар ҳамда технологиялар” илмий-техника анжумани ҳам юқори даражада ўтди. Унда мамлакатимизнинг ҳамда хорижликнинг сув бўйича мутахассислари, экологлар, банк вакиллари қатнашиб, фикр алмашишди.

Тадбир якунида муассасанинг илғор ходимлари тақдирланди. МЧБ бош директори Мурад Ўрманга вилоят ҳокимининг Фахрий ёрлиғи топширилди. Бир гуруҳ ходимлар вилоят ҳокими ҳамда вилоят маслаҳати, “Нұр Отан” партияси вилоят филиали Ташаккурномалари, “Вилоятга кўрсатган хизмати учун” кўкрак нишони билан мукофотланса, яна бир гуруҳи “Шимкент шаҳри ривожига қўшган алоҳида меҳнати учун” медалига сазовор бўлишди.

Шаҳар ҳокими ўринбосари Бейсенбек Жанбўсинов, шаҳар маслаҳати котиби Нурлан Бекназаров ҳам соҳа вакилларини табриклаб, уларга келгуси ишларида муваффақиятлар тилади.