Элбоши ўзининг “Келажакка йўлланма: маъна­­­вий янгиланиш” дастурий мақоласида та­рих, сиёсатшунослик, жамиятшунослик, фал­­сафа, руҳшунослик, маданият­шунослик, фило­логия куллиёти талабаларининг мукаммал билим олиши учун шароитлар яратишимиз кераклигини айтган эди. 

Давлат университетларида гума­нитар бўлим­ларни тиклаш орқали гуманитар зиёлиларимизни қўллаш лозим.

Бизга муҳандислар ва шифокор­ларгина эмас, шунингдек, ҳозирги за­мон ва келажакни тушунадиган одамлар керак. Келгуси йилларда гуманитар билимнинг барча соҳала­рида қозоқ тилига жаҳоннинг энг ях­ши 100 дарслигини таржима қилиб, ёшларимизга жаҳоннинг илғор анда­залари асосида ўқиб-ўрганиш имко­ниятини яратиб берамиз.

 2018-2019 ўқув йилида биз ўз ўқув­чиларимизни шу дарсликлар бў­йича ўқитишни бошлашимиз керак, деган эди. Шу эзгу ишларни амалга оширишнинг илк қадами Элбоши ишти­рокидаги ушбу китобнинг тақдимоти.

Талабалар билан, аудитория би­лан ишлайдиган ўқитувчилар ўз так­лиф­ларини бериб, 100 дарслик са­ра­ланди. Уларнинг ҳаётийлиги исбот­ланган. Шу билан бирга, таржима қилинадиган сўнгги нашри 2014 йилдан кеч бўлмасин, деган талаб қўйилибди. Шунингдек, энг бош талаб, албатта, дарс­­­­­ликнинг жаҳондаги пешқадам ўқув дар­гоҳларининг педагогика амалиётида бў­­­­­­­лиши бу Қозоғистоннинг ривожланган 30 мамлакат қаторига киришига таъсир кўр­сатиши, шубҳасиздир.