Жанубий Қозоғистон ви­­­­­­­­лояти ҳокими Ж. Туй­­­­мебаев ҚР Парламенти Маж­­­­­­­­­­­­­лисининг депутатлари А. Бектурғанов, Ж. Нур­­­­ма­ғанбетова, Б. Хаме­нова, А. Тасбўлатов, Н. Жумил­­­­да­­­­­­­­ева ҳамда “Нұр Отан” партияси “Таълим” йўналиши бў­йича Комиссияси котиби Ш. Лепсибаев билан учрашди. 

Унда “Президентнинг бешта ижтимоий ташаб­буси” Мурожаатидаги таълим сифатини яхшилашга доир топшири­­­­­­­­­­­ғини бажариш масалалари муҳокама қилинди.

Учрашувда вилоят ҳокими минтақамизнинг таълим соҳаси аҳволи билан таништириб, меҳ­монларни Президент қўйган ва­­зифаларни биргаликда бажа­риш­­­­­­­­­­­га чақирди. 

– Элбоши 2022 йилга қадар 75 минг ўринли талабалар уйи қу­рилишини топширганидан ха­­­­­­­барингиз бор. Шу ўринда ўз тажрибангизни ўртоқлашиб, ётоқхоналар қуриш, ўқув юрт­ларидаги техник ўқув базасининг яхшиланишига иложи борича кўмаклашишга чақираман. 

Талабалар ётоқхона билан таъминланса, кўп масалалар ўз ечимини топади. Хуллас, паст баҳода ётоқхона, арзон йўлкира ва ёшларнинг хавфсизлиги масалалари ижобий ҳал эти­лади, деган фикрдаман, – деди Жансейит Туймебаев. 

Шунингдек, вилоят ҳокими минтақамиз таълим соҳасида жорий этилган рақамлаштириш тизимидаги янгиликлар хусусида ҳам фикр билдиришди. Бугунги кунда вилоятимиздаги қатор туман ва шаҳарларда мактаб директорини ишга, болаларни болалар боғчасига ва таълим даргоҳларига қабуллаш ишлари электрон тизимга ўтган. Бундан ташқари электрон кундалик дас­­­тури ҳам дастлаб ЖҚВда йўл­га қўйилди. Натижада таълим соҳасида инсон омили ка­­­­­­­­­­­­­­­­­­­­­­­­­майиб, қоғозбозлик ва уюшган жи­­­­­­­­­­­­­­­­­­­­­­­­­­­ноятчиликнинг озайгани ҳам ай­­­­­­­­­тиб ўтилди. 

Ўз навбатида Мажлис де­путати А. Бектурғанов вило­ятда бажарилаётган ишлар кўнгилни қувонтираётганини, таълим соҳасидаги масалалар ҳам ўз ечимини топаётганини айтди. Халқ ноиблари вило­ятимизда бир неча кун бўлиб, ўқув юртларини оралаб, ётоқ­­­­­хоналарнинг аҳволи би­лан танишишни режалаб қў­йиш­ганини маълум қилдилар. 

Айтганча, вилоятда бугунги кунда техникавий ва касбий таълим ташкилотларида 74 мингдан зиёд талаба билим олмоқда. Давлат тасарруфидаги 36та коллежнинг 32тасида ётоқхона мавжуд. Мазкур кол­лежларнинг барчаси ошхона ва буфетлар билан 100 фоиз  таъминланган.