Кўкламги дала ишларига эрта тайёргарлик кўра­­­­­­­­­­­­­­диган Сариоғоч ва Мақтаарал туманлари сабза­воткорлари эртанги карам узишни бошлашди.

Бугунги кунда Мақтаарал туманининг Атаме­кен қишлоқ округи деҳқонлари дастлабки карам ҳосилининг 20 тоннасини Атиров шаҳрига, сарио­ғочликлар 15 тоннадан зиёд маҳсулотни Алмати шаҳри ва Шимолий вилоятларга жўнатишди.

Мақтаарал туманида февралнинг бо­ши­да 892,5 гектарга экилган, бугунги кунда етилган карамга вилоятимизда ҳам ха­ридорлар оз эмас. Карамни йилига уч мар­­та экадиган сариоғочлик деҳқонлар 1,5 минг гектар ерга эртаги навни экса, ёз ва куз ойларида 5500 гектарга экиннинг кечки навини экади.

Мақтаараллик деҳқонлар эса оғирлиги 1-1,5 килодан ошмайдиган карамнинг “нидерлан-пандион” навини эккан. Эрта­пишар бу навга европаликлар ҳамда рос­сияликлардан талаб жуда катта.

Жанубий Қозоғистон вилояти бўйича жами 320 минг гектар ерга лалми экинлар экилган. Шундан 42 минг гектари ғалла, 109,5 минг гектар маҳсари, 51,6 минг гектари беда, 15,5 минг гектари картошка ва 60 минг гектари полиз, 41 минг гектари сабзавот экинларидир.