– Ҳар йили Қозоғистон халқи бирлиги куни арафасида Қозоғистон халқи Ассамблеясининг сессияси ўтади. Анъанага кўра, жорий йилда ҳам Қозоғистон Республикаси Президенти Н. Назарбаев иштирокида Ассамблеянинг XXVI сессияси муваффақиятли уюштирилди. Ассамблея аъзоси сифатида мазкур тадбирни тоқатсизлик билан кутаман. Чунки, Элбоши унда халқимиз келажаги, юртимиз равнақи учун аниқ қарорлар қабул қилади. Жорий йилгиси ҳам бундан мустасно бўлмади. Чунончи, Юртбошимизнинг ҳар бир сўзи менинг қалбимни ҳаяжонлантирмай қўймайди. 

Навбатдаги сессияда Элбошининг нутқи барчамизни чуқурроқ изланишга, самарали меҳнат қилишга чорлагани рост. 

Сессияда сўзга чиққан Астана шаҳар ўзбек этномаданият бирлашмаси раиси Шерзод Пўлатовнинг Элбошига билдирган ташаккури, мамлакатимизда олиб борилаётган сиёсат, ёшларга ғамхўрлик тўғрисидаги фикрларига тўлиқ қўшиламан.

20 йилдирки, мен шаҳар аҳолисини ун маҳсулотлари билан таъминлашда фаол иштирок этиб келаман. Астанага тенгдош корхонамнинг фаолиятидан шаҳарликлар ҳам мамнун. Энг асосийси, фаолиятимни бошлаган кундан даромадимнинг ярмини хайрия ишларига сарфлаяпман. Асосан Улуғ Ватан уруши қатнашчилари, ногиронлар, кам таъминланган, кўп болали оилалар қамраб олинади. 

2018 йил – Қозоғистонда Ўзбекистон йили, деб эълон қилиниши ишимизни янада жонлантириб юборди. Турли мавзуларда уюштираётган тадбирларимиз икки қардош халқнинг бирдамлигини бунданда кучайтиришига ишонаман. 

Мухтасар қилиб айтганда, юртимиздаги тинчлик, фаровонлик учун Элбошимизга минг бор ташаккур айтсак арзийди!