М. Ауезов номидаги Жа­­­­­­­­­­­­нубий Қозоғистон Дав­­лат университетида “Маъна­­­­­­­­вий янгиланиш” ви­­­ло­ят ло­­­­­­­­­­йи­­­­­­­­­­­­­­­­­ҳавий идораси ташаб­буси билан “100 янги китоб” лойиҳаси бўйича таржима қилинган 18 китоб­нинг му­­­­­­­­­­­­ҳокамасига бағишланган  давра суҳбати уюштирилди.

Вилоятимиз олимлари иштирок этган тадбирда ижтимоий-гума­нитар соҳада 100та етакчи дарслик таржимаси – прагматизм ва рақобатбардош маънавий такомиллашувда янги Қозоғистон авлодини шакллантиришнинг аниқ қадами ҳисобланиши таъкидланди.

– “Янгиланиш 3.0: Маънавий янгиланиш” мавзуида ўтказилган анжуманлар ва давра суҳбатларда айтилган таклиф ва мулоҳазалар халқ томонидан муҳокама этилиб, натижада 100та янги китоб тар­­жима қилинди. Дунёдаги энг яхши дарсликларнинг қозоқ тилига таржимаси талабаларнинг таълим даражасини ошириб, якка шахс ва мутахассис сифатида муваффақиятга эришишига йўл очади, – деди. М. Ауезов номидаги ЖҚДУ “Қозоқ тили ва адабиёти” кафедрасининг доценти Ақжўл Қалшабек. – Ушбу тоифа бўйича: “Қозоқ тилидаги 100 янги дарслик” – таржима қилинган китоблар келгуси ўқув йилидан бошлаб таълим тизимига жорий этилади. Дастлабки 18та дарсликнинг тақ­ди­мотида Элбошининг ўзи шахсан иштирок этди.

Учрашув давомида олим, профессор-ўқитувчилар таржима қи­линган китоблар ҳақида ўз фикр-мулоҳазаларини билдиришди. Чунончи, ижтимоий фалсафа фанининг вазифаси, тарихи, жамият ҳаёти ва тараққиётининг табиий ва ижтимоий омиллари, иқтисодий, ижтимоий, сиёсий, маънавий ҳаёти, фан, маданият ва қадриятларнинг инсон ҳамда жамият ҳаётидаги ўрни, аҳамияти, Қозоғистоннинг жаҳон тамаддунига  қўши­либ бориши масалалари қамраб олинганлиги айтилди. 

Таъкидлаш жоизки,  дарсликлар бир ой ичида олий ўқув юртлари ва кутубхоналарга тарқатилиб, жорий йилдан бошлаб ўқув дастурига киритилади. Шунингдек, М. Ауезов номидаги ЖҚДУ Ахборий таълим марказининг 228-кабинетида келгуси 10 кун мобайнида кўргазма уюштирилади.