Вилоятимизда ўтган йили рўйхатга олинган автотранспорт воситалари сони 500 мингдан ошади. Шу сабабли, йўл-кўча тармоқлари ва транспорт оқимларини бошқариш масаласини ҳал қилиш мақсадида вилоят миқёсида, шу жумладан, Шимкент шаҳридаги интеллектуал транспорт тизими жорий этила бошлади.

Мазкур лойиҳа бир неча босқич­да амалга оширилади. Янги тизим бўйича “ақлли” светофорлар ўрна­тиш йўлга қўйилмоқда. Бугунги кун­да бундай светофор шаҳарнинг Адир­­­­­­беков ва Жибек жўли кўчалари чор­­­­­­­­­­­­­­раҳасида ўрнатилган. Жорий йили 12та светофор ўрнатиш режа­ланган бўлса, ундан иккитаси “ақл­­­­­­­­­ли” светофордир. Шаҳар кўча чорраҳаларининг ўтказиш қо­­би­­­­­­лиятини жами 269 светофор мажмуаси таъминлайди.

Интеллектуал транспорт тизи­­­­­­мининг яна бир босқичи – фото ва видео тизими. Бу масала бўйича Шимкент шаҳрида 992 фото-ви­део ускуна ўрнатилган. Шундан 479та камера йўл қоидаларини буз­ган транспорт воситаларини аниқ­­­­ласа, 513таси умумий кузатишга мўл­­­­­­жалланган. Барча видеоназорат ка­­­­­мералари шаҳар ички ишлар бош­­­­­қармасидаги Жадал бошқарув марказлари орқали бошқарилади.

Бундан ташқари, янги тизим йў­лов­чилар ташиш ва  электрон чип­таларни ўз ичига олади. Масалан, Шимкент шаҳар жамоат транспорти тармоғи 78та йўналишдан иборат. Барча автобуслар тизими билан жамоат тўлиқ жиҳозланган. Шаҳар жамоат транспортига электрон чип­­­­­­­­­­­­­­талар тизимини жорий этиш учун жорий йилнинг февраль ойи­­­­да “SMART- ЖКХ” МЧБ билан ме­морандум имзоланган.

Таъкидлаш жоизки, Интеллектуал транспорт тармоқларининг асо­­сий компонентларини ягона рес­публика тизимига жорий этиш ва ривожлантириш бўйича ишлар ҳокимлик томонидан тасдиқланган. “Йўл харитаси”га биноан, вилоя­тимизда босқичма-босқич амалга оширилади.