Элбоши Н. Назарбаевнинг «Ке­лажакка йўлланма: маъна­вий янгиланиш» дастурий мақоласида белгиланган ва­зи­­­фалар доирасида ҳамда Астананинг 20 йиллиги муно­­сабати билан Кентов шаҳрида Шимкент шаҳар Абай тумани ҳокимлигининг маданият кун­лари ўтди. 

Мақсад – Абай тумани билан Кентов шаҳри ўртасидаги мао­риф ва маданият, маънавият, ижтимоий-иқтисодий ҳам­да саноат соҳаларини мувофиқ­­­­­­­лаштириб тажриба алмашиш, ўзаро алоқа ўрнатиш эди. 

Марказий “Ынтымақ” майдонида кентовликлар учун қишлоқ хўжа­лик маҳсулотлари ярмаркаси уюш­тирилди. Унда гўшт, ун, мева, саб­­­­­­завот маҳсулотлари 20 фоиз арзон баҳода сотилди. 

Кентов шаҳри ҳокими А. Мақул­­­­­баев мазкур тадбирнинг аҳамияти, моҳиятига тўхталиб, меҳмонлар, оқсоқоллар, зиёлиларга ўз миннат­дорчилигини билдирди. 

Кентов – конда жадал бурғулаш ишлари бўйича рекорд қўйган ша­ҳар. Унча катта бўлмаган, лекин тарихи бой Кентовдан Социалистик Меҳнат Қаҳрамонлари, Ленин му­кофоти лауреатлари, санъат дар­ғалари етишиб чиққан. Айни пайтда шаҳарнинг ижтимоий-иқтисодий шароити йил сайин яхшиланиб бормоқда. Барча соҳаларда ўсиш мавжуд. 

Шимкент шаҳар Абай тума­­­ни ҳокими Ахмет Татибаев Кентов­­га келган делегатлар билан таниш­тирди. Абай тумани билан Кентов шаҳрининг ўхшаш тарафлари кўп. Шаҳар фахрийлар кенгаши раиси Исахан Жумабаев, Абай тумани фахрийлар кенгаши раиси Улиқпан Башенов, вилоят фахрийлар кен­­­­­гаши аъзоси Қанжигит Сиздиқовлар мулоҳазаларини баён этишди. Кентов шаҳри ва Абай тумани ўртасида билим, маданият, маъна­вият ҳамда иқтисодиёт ва саноат со­ҳа­­­­­ларида ўзаро ҳамкорлик ҳа­қида меморандум имзоланди. Шимкентлик меҳмонлар шаҳар музейини, Қарноқ қишлоғидаги «Шоммат Эшон» музейи, минг йиллик тарихга эга тут дарах­­­­­­­­­­тини зиёрат қилдилар, мар­казий ку­­­­­­­­­­­тубхона ҳамда Кентов транс­­­фор­матор заводи фаолияти билан танишдилар.