Давлат раҳбари «Challenge Сен бошқа!» республика спорт ташаббусини қўллаб, Президентнинг «YouTube»даги расмий каналида қозоғистонликларга видеомурожаат эълон қилди, дея хабар беради ҚазАқпарат.

Ташаббуснинг мақсади – жамиятимизда соғлом турмуш тарзини қарор топтириш.

Акция доирасида мамлакатдаги спорт, маданият ва ОАВ соҳаларининг таниқли вакиллари иштирокида очиқ машғулотлар ўтказиш режаланган. 

– Ҳурматли юртдошлар, спорт билан шуғулланиш жисмоний куч ва соғликни мустаҳкамлабгина қолмасдан, соғлом турмуш тарзини шакллантириш, руҳий комилликка эришишга ҳам ёрдам бериб, иродани мустаҳкамлайди, ёшларда ўз куч ва имкониятларига бўлган ишончни мустаҳкамлаб, мардлик ва ватанпарварлик, она Ватанга садоқат туйғуларини шакллантиради, – деди Элбоши. – Шунинг учун давлатимиз ёш авлодни тарбиялашда ана шу жиҳатларга жиддий эътибор қаратмоқда. Шундагина эртанги кунимиз эгалари порлоқ ва нурли келажак бунёдкорига айланишади.

...Унутмангки, инсоннинг 90 фоизини саломатлик ташкил қилади. Ҳеч қандай бойлик, ҳукмронлик бахтнинг ўрнини боса олмайди. Соғлом инсон – ҳамиша бахтиёр инсондир. Мен бир умр спорт билан шуғулландим, ўз соғлигимни назорат қилиб бораман. Бошқача йўл тута олмайман, сизларга ҳам шуни маслаҳат бераман. Соғ танда соғлом ақл бўлишини истасангиз – спорт билан шуғулланиш керак. Буни, яхшиси, ёшликдан бошлаган маъқул.