Оқсувкентдаги А. Исмоилов номли касб-ҳунар коллежи жамоасига ғоят иқтидорли ва талабчан олима – Гулчеҳра Камол қизи етакчилик қилади. Иккинчидан, бу ердаги устозлар ўта малакали. Шу ва бошқа омиллар туфайли ушбу коллеж талабалари сони йил сайин ортиб бормоқда. 

“Умумий касб-ҳунар ва иқтисод фанлари” бирлашмасида йўлга қўйилган ўқув жараёни таҳсинга лойиқ. Бирлашмада 14 нафар олий тоифали педагог жами 234 нафар талабага турли касбларни ўргатади. Таъкидлаш жоизки, ўқувчига биронта касбни пухта ўргатиш учун мустаҳкам база зарур. Коллежда бу борада муаммо йўқ. Бундан ташқари, ўқитувчилар ўз билим ва малакаларини мунтазам ошириб боришади. Жорий ўқув йилида беш нафар муаллим республика интернет олимпиадасида қатнашиб, уч нафари биринчи ўринни эгаллади. Ёш талабалар ўртасидаги “Зерде” олимпиадасида информатика фани бўйича О. Сатторқулов, физика фани бўйича Д. Иброҳимжонова, математика фани бўйича Н. Эгамбердиеваларнинг биринчи ўринни эгаллагани ҳам таълимга қай даражада аҳамият берилаётганидан далолатдир. Яқинда бирлашма устозлари М. Тожибоев, А. Шотемирова, И. Рустамов, О. Турсуметов, Ш. Соиповалар томонидан ўтказилган очиқ дарслар мукаммаллиги билан ажралиб турди.