Улуғ Ватан уруши йилларида Туркистондан фронтга сафарбар қилинган 18541 аскарнинг 103 нафари Чоға қишлоғидан. Шаҳарда айни кунда 21 нафар уруш фахрийси қолган бўлса улардан 2 нафари – 103 ёшдаги Аббос  Худойберганов ва 92 ёшли Оллоберган Умаровлар қишлоғимизда умргузаронлик қилишмоқда. 

Ғалаба куни бугунги осойишта ҳаётимиз учун жанг қилган уруш фахрийларини мактабимизга таклиф қилиб, мароқли учрашув ўтказдик. Аббос ва Оллаберган оталар жанговар ҳаё­ти ҳақида гапириб, бугунги осойишта умр қадри­га етмоқ даркорлигини қайта-қайта таъкидлашди. Битирувчи синф ўқувчиси Садо­қат Маматқодирова фронтчи боболарига бағишлаб ёзган шеърини ўқиб берди. Мураббий Севара Абсодиқова раҳбарлигида мактаб ўқувчилари «Катюша» қўшиғи ва рақсларни ижро этиб беришди. Тарбиявий ишлар мудири Мамасоли Ўринбоев, кутубхоначи Ўғилжон Отакеева, қишлоқ ўзбек этномаданият бирлашмаси раиси Одилхўжа Меҳмонхўжаев, имом Саъдулла Қаюмов каби ўнлаб инсонлар­нинг, мактабимиз ўқувчиларининг муштарак саъй-ҳаракатлари – урушда қон кечган ҳам­­қиш­лоқ фахрийларимизнинг кўнглини чоғ қилди. Мен байрам муносабати билан қадр­ли отахонларимиз кифтига тўн ёпиб, улар­нинг тани жони соғ, элимиз тинч, юртимиз омон, ёшларимиз бахтли бўлсин, деб ният қилдим. Фронтчи отахонлар урушда қу­рол тутган қўлларини дуога очиб, ўз миннат­дорчиликларини изҳор этдилар. 

Суратда: мактаб ҳовлисидаги ёдгорлик қошида.