“ҚР Таълим ва фан вазирлиги болаларни биринчи синфга қабуллаш қоидаларидаги ўз­­­гариш ва қўшимчаларни эълон қилди”, дея хабар берди ҚазАқпарат. 

“Бошланғич, асосий ўрта ва умумий ўрта таълим муассасаларига ўқишга қабул қилиш қоидаларига биноан, умумий таълим ўқув дастурини амалга оширадиган таълим муассасалари тайёргарлик дара­жасига қарамасдан, таълим муассасалари хизмат кўрсатадиган ҳудудда истиқомат қиладиган 7 ёшга тўлган ва жорий йили 6 ёшга тўладиган болаларнинг 1-синфга қабул қилинишини таъминлайди”, дейилган матбуот хизматининг расмий хабарида.

Яъни, 2012 йилнинг сентябрь-декабрь ойларида туғилган болалар жорий йилдан бошлаб 1-синфга боради. Чунки, улар йил сўнгига қадар 6 ёшга тўлиб, мактабга қабулланиш ҳуқуқига эга бўлади. 

“Таълим олувчининг ота-онаси ёки бошқа қо­нуний вакиллари таълим олиш учун хоҳлаган таълим муассасасини танлаш ҳуқуқига эга. Таълим муас­сасаси қабуллашдан бош тортадиган бўлса, таълим олувчининг ота-онаси ёки бошқа қонуний вакиллари маҳаллий таълим бошқармаларига шикоят қила оладилар”, деб хабар берди вазирлик.

Шунингдек, 1-синфга болаларни қабул қилиш учун керакли ҳужжатлар рўйхатидан яшаш жойи ҳақидаги маълумотнома олиб ташланди. Ҳужжатларни қабул қилиш 1 июндан 30 августга қадар давом этади.