Жанубий Қозоғистон вилоятида 1 июнь – Халқаро болаларни ҳимоя қилиш куни муносабати билан бир вақтнинг ўзида ёш мусиқачиларнинг иккинчи “Шабит” намойиши ўтди. Элимизда анъанавий турда ўтказилиб келаётган намойишда вилоят бўйича 200 мингдан зиёд ўқувчи иштирок этди.

Шимкент шаҳридаги Ҳожимуқон номли марказий стадионда ўтган тадбирда вилоят ҳокими Ж. Туймебаев иштирок этиб, болаларни байрам билан қутлади.

– “Шабит” намойиши – бу вилоятдаги барча таълим муассасаларини бирлаштирган ҳамда устозлару шогирдларнинг ютуқларини тарғиб этиш орқали барчага илҳом бағишлайдиган кенг кўламли республика акцияси. Унинг мақсади – эстетик ҳамда ватанпарварлик тарбия омили сифатида болаларни қўллаб- қувватлаш ҳамда ривожлантиришни кўзлайди, – деди вилоят ҳокими.

Ёшларнинг мусиқий оркестрлари ва дасталари намойишида 20 минг шаҳарлик ўқувчи иштирок этди. 200 нафар мактаб ўқувчиси “Мен қозоқман” қўшиғига флешмоб ўйнади. Мусиқали-театрлаштирилган намойиш болаларга байрам кайфиятини улашди.