Жанубий Қозоғистон вилояти ҳокими Жансейит Туймебаев ва Шимкент шаҳри ҳокими Нурлан Сауранбаев Шимкентнинг 1 миллионинчи чақалоғини дунёга келтирган Еламановлар оиласини қутлаб, ёш оилага 2 хонали уйнинг калитини топширишди.  Ёш оиланинг тўнғич фарзанди Айсулу Еламанова миллионинчи шимкентлик бўлиб тарихга кирди. Чақалоқнинг ота-онаси кутилмаган бахтдан сармаст эканликларини айтиб, қизларини юрт тараққиётига муно­сиб ҳисса қўшадиган фарзанд этиб тар­биялашга ваъда бердилар.

– Республикамизнинг Алмати ва Аста­на шаҳарлари миллионли шаҳар эди. Эндиликда Шимкент улар сафига қўшилди. Элбоши шаҳримизни миллионли шаҳар, деб эълон қилгач, у ҳамюртларимиз орасида қизғин муҳокамага сабаб бўлди. Шуни айтиш жоизки, 2017 йили Шимкент шаҳри аҳолиси 39 минг нафарга кўпайди. Унинг 18 мингги ички миграцияга тегишли. Шаҳарнинг миллионинчи одами май ойида дунёга келган. Ана шу бахтли рақам Айсулунинг чекига тушди. Биз унинг ватанпарвар, иболи қиз бўлиб камол топишига ишонамиз, деди вилоят ҳокими.

Айсулунинг ота-онаси – Самат Еламанов ва Айжан Ахайбековалар ўзларига кўрса­­­­­­­­­­­­тилаётган юксак эҳтиром ва совға учун ви­лоят раҳбарларига миннатдорчилик билдиришди.