Қозоғистоннинг маънавий пойтахти, қадим шаҳар Туркистоннинг тарихи теран, келажаги порлоқ, бугуни ғаниматдир. Аввалига Шовагор кейинчалик Ясси деб аталган шаҳар XVI асрдан Ҳазрати Туркистон номи билан ҳам машҳур. 

Яқинда суюкли шаҳримизнинг ЖҚВ марказига айланиши ҳақида қарор қабул қилинди. Хушхабарнинг иккинчи қирраси эса шаҳар тасарруфидаги қишлоқ ва қишлоқ округларининг ҳаммаси энди Кентовга берилади. Аҳолиси 96 мингни ташкил этувчи Кентов эндиликда 200 минг одам яшовчи катта шаҳарга айланади. Чегараси кенгайиб, ер майдони 774512 гектарга етди.

100 мингга яқин аҳоли ва ўз улушидан анчагина ерни Кентовга бераётган – Туркистон Жанубий Қозоғистон вилоятининг марказига айланади. Мегаполис – азим шаҳар бўлиши учун атиги 840 мингта одам етмасада 160 мингдан кўпроқ аҳолиси бор шаҳарнинг келажакда қанотини кенг ёйиб парвоз қилишига ишончимиз комил. Балки юқорида тилга олинган давр келганида Туркистон ҳам Шимкент каби атрофидаги Кентов, Ўтрор, Сўзоқларни ўз ичига олган улкан марказга айланар.

Қозоғистон харитасидаги 17-ҳудуднинг пайдо бўлиши барчамизга муборак, ватандошлар!