Алоқа ва ахборот ходимлари кунида “Оңтүстік” клубида вилоятимиз матбуоти дарғалари – “Оңтүстік Қазақстан”, “Южный Казахстан” ва “Жанубий Қозоғистон” ижтимоий-сиёсий газеталари фахрийлари, марҳум журналистларнинг бевалари ҳамда жамоатчи мухбирлар йиғилдилар.

Уларни вилоят ҳокими номидан ички сиёсат бошқармаси бошлиғи вазифасини бажарувчи Бахит Ахимбетов қизғин қутлаб, эсдалик совғалар топширди. Тадбирда қатнашган фахрийлар таҳририятда ишлаган пайтларини, соҳага тегишли қизиқ воқеаларни хотирлашди, кексаларга кўрсатилаётган эътибор ва ғамхўрлик учун вилоят ҳокими ва газеталар раҳбариятига миннатдорчилик билдиришди. 

*** 

Шу куни “Нұр Отан” партияси вилоят филиали раисининг биринчи ўринбосари Н. Жўлдасов, матбуот котибаси Ф. Ҳикматовалар “Жанубий Қозоғистон” таҳририятига келиб, қаламкашлар жамоасини касбий байрами билан қутладилар ҳамда партия фаолиятини ёритишда жонбозлик кўрсатган бир гуруҳ журналистлар: Саодат Шарифбоева, Дилбар Зиёматова ва Азиза Абдупаттоеваларни “Алғыс хат” ва қимматбаҳо совғалар билан мукофотладилар.