Абай номидаги истироҳат боғида вилоят татар-бошқирд этномаданият бирлашмаси “Сабантўй” байрамини кенг нишонлади.

Вилоят ва шаҳар ҳокимликлари, маслаҳатлари, этномаданият бирлашмаларининг вакиллари иштирок этган тадбирда миллий ҳунармандчилик буюмлари, таомлар ва расмлар кўргазмаси намойиш қилинди. 

Вилоят ҳокими У. Садибеков бошчилигидаги меҳмонлар кўргазмани оралаб чиқдилар. Сўнг, ҳоким муовини йиғилганларни “Сабантўй” билан чин дилдан қутлаб, бирлашманинг бир гуруҳ фаолларига вилоят ҳокимининг “Алғыс хат”ларини топширди. Улар орасида Ж. Шакиров, Н. Хузеева, 

Р. Илясовлар бор.

Тадбир давомида вилоят халқи ассамблеяси котибияти мудири М. Қалмуратов татар-бошқирд этномаданият бирлашмаси вакиллари ва йиғилганларни байрам билан табриклаб, этнослараро дўстлик, тотувлик – мамлакат тараққиёти гарови ва энг олий қадриятлардан бири эканини таъкидлаб ўтди. 

Табриклар санъаткорларнинг концерт дастурига уланиб кетди. Қозон шаҳридан келган хушовоз хонанда Дамир Битемировнинг татарча қўшиқлари барчани хушнуд этди. 

Сўнгра, турли тилларда куй ва қўшиқлар янграб, рақслар ижро этилди.

С. ИСАМАТОВ суратлари.