Бу йил Мустақил Қозоғистоннинг тарихида шонли сана. Сариарқанинг тўрида қад кўтарган пойтахтимиз – Астана шаҳрига 20 йил тўлмоқда. Сизларни ана шу байрам билан чин юракдан табриклаймиз. 

Астана – келажакка ишонч билан қадам ташлаётган озод элнинг бош ўрдаси. Марказий Осиёнингина эмас, бутун Евроосиё қитъасининг гўзал шаҳри.

Бугун Астана дунё сиёсатида муносиб ўрнига эга шаҳарга айланди. Пойтахтнинг тўрида ЕХҲТ саммити, ЭКСПО-2017 халқаро кўргазмаси, Қишки Осиё ўйинлари юқори даражада ўтказилди. Бош шаҳарда жаҳондаги турли ҳарбий ҳамда сиёсий низоларни ҳал қилиш йўналишида халқаро анжуманлар уюштирилди. Ер юзининг турли чеккаларидан келган давлат раҳбарлари Астанада ўз фикрларини айтиб, тинчлик жарчиси бўлган қозоқ халқига миннатдорчилик билдирдилар. Улар Астананинг муаллифи – Давлат раҳбари Нурсултан Назарбаевнинг бетакрор етакчилик қобилиятини юқори баҳолашди. 

Бугунги Астана бутун қозоқ болаларини бирлаштирган буюк марказга айланди. 

Қозоғистонликларнинг улуғ орзулари ва мақсадларини амалга оширадиган йирик мегаполис сифатида етакчилик бурчини обрў билан бажармоқда. Эрка Есилнинг ёқасидаги ушбу шаҳар кўз олдимизда гуллаб-яшнаб, ривожланиб бормоқда. Оз фурсатда шаҳарнинг иқтисодиёти ва ривожланиши жўшқинлиги ўсиб, ички ялпи маҳсулот кўпайди. 

Қозоғистоннинг бурчак-бурчагидан келган ёшлар шу ерда иш топди. Орзулари ушалди. Шаҳарнинг бундай даражага кўтарилиши халқимиз бирлиги ва меҳнати, Элбоши Нурсултан Назарбаев оқилона сиёсатининг натижасидир. 

Астанамизнинг 20 йиллиги – умуммиллий байрам. Астананинг тўйи – халқнинг тўйи. Туркистон вилоятининг аҳолиси ҳам Астананинг ривожига муносиб ҳисса қўшиб келмоқда. Ягона Қозоғистонни Мангу Эл қилиш учун ҳар бир фуқаро астойдил меҳнат қилиши зарур. Миллатни буюк ишларга сафарбар этишда эса Астананинг ўрни ўзгача. Шундай экан, Астанамиз мангу яшайверсин. Байрам қутлуғ бўлсин, азиз ҳамюртлар!