Туркистон шаҳридаги вилоят тарихий-маданий этнография мар­казида вилоят ҳокими Ж. Туй­ме­баев раислигида юқоридаги мавзуда республика миқ­ёсида анжуман ўтди. 

Унда зиёлилар, меъморлар, тарихчи олимлар, ёзувчилар, ар­хеологлар, депутатлар, жамоат арбоблари иштирок этишди.

Тадбир аввалида 19 июнь куни Элбошимиз Н. Назарбаевнинг Туркистон вилоятини ташкил этиш тўғрисидаги тарихий Фармо­нига имзо чекиш чоғида сўзлаган нутқи, Туркистон шаҳ­ри тарихи, маданияти, кела­жаги ҳамда бугуни билан шу юксак мақомга мувофиқ шаҳар эканлиги, келажакда туркийлар маданият маркази сифатида тараққий этиши лозимлиги хусусидаги муло­ҳазалари акс эттирилган видеолавҳа намойиш этилди. 

– Туркистонда янги аэро­порт, темирйўл вокзали, автовокзал, маъмурий би­нолар бунёд этилади. Ҳазрат Яссавий мақбараси қошида биз ўша давр муҳитини ифо­даловчи шаҳарча бар­по этишимиз, зиёратчи сай­­­­­­­­ёҳларга ўтмиш давр ма­данияти, урф-одати, тур­­мушини тўла-тўкис кўр­сатишимиз даркор. Биз Са­марқанд, Бухородаги каби халқаро туризмни тарақ­қий эттиришимиз керак. Бунинг учун ҳамма шароит етарли. Биргаликда меҳнат қилиб, шу мақсад йўлида билимимиз, тажрибамиз, саъй-ҳаракатларимизни са­фар­бар этайлик, – деди Ж. Туймебаев. 

Ўз таклифлари билан архитектор, археолог, фило­лог, тарихчи олим­­­лар Б. Байтанаев, С. Мажитов, Д. Кенжетай, Қ. Ергўбек, Х. Аб­жанов, Н. Алдабергенов, Ғ. Са­дирбаевлар мин­бар­га кўтарилиб. так­лиф­ларини баён эт­ди­­­лар. Вилоят ҳо­ки­ми ҳар бир жўяли так­лиф эъти­­борсиз қол­маслигига, ҳар бир так­лиф ўрганилиб. Тур­­­кис­тон шаҳри равнақига хизмат қилишига ишонч билдирди. 

Тадбирда Туркистон шаҳри ҳокими А. Ўсербаев ҳам иштирок этди.