“Фуқароларга мўлжалланган ҳукумат” давлат корпорациясининг ихтисослаштирилган аҳолига хизмат кўрсатиш марказида ҳай­­довчилик гувоҳномасини ал­маштириш учун келган фуқа­роларнинг сони кўпаймоқда.  

Фуқаролар хайдовчилик гу­воҳномаларини ихтисос­лаш­­тирилган АХКМга бормай, хоҳ­лаган вақтда “электрон ҳукумат” портали орқали алмаштира олади. Бу усул вақтдан унумли фойдаланиш имконини беради. Ҳайдовчилик гувоҳномасини онлайн тартибда алмаштириш ососн ва тез амалга оширилади. 

Даставвал, egov.kz порталига кириб, электрон аризани тўл­дириб, электрон рақамли имзо билан тасдиқлаш керак. Ариза билан бирга фотосурат ва им­зоингиз сканердан ўтказилган сурати ҳам юборилади. Электрон почтангизга ҳужжатнинг тайёр бўлгани ҳақида ахборот келгач, (мобилли фуқаролар базасига рўйхатга олинган пайтда ах­бо­рот SMS орқали келади) ихти­сослаштирлган АХКМга бориб, тайёр ҳайдовчилик гувоҳномасини олиш мумкин. 

Бўлимга борганда, алмаш­тирилган ҲГ ва шахсий гувоҳ­нома, ариза ва бож тўлангани ҳақидаги электрон чек берила­ди. Таъкидлаш жоизки, ҳайдов­чилик гувоҳномасининг бож со­лиғи илгаригидай 1,25 ОҲК, яъни 3006,25 тенгени ташкил этади. Мабодо, ҳайдовчилик гувоҳномасининг муддати ўтиб кетган бўлса, наркология ва пси­хиатрия диспансеридан маълу­мотнома, 083-кўринишдаги тиб­биёт маълумотномасини олиб бориш керак. 

Ҳайдовчилик гувоҳномасини онлайн тартибида алмаштириш хизматидан йил бошидан буён 1,6 минг киши фойдаланган.