Туркистон шаҳрида вилоят ҳоки­ми иштирокида маҳаллий ижро органларининг 2015-2017 йиллари ер участкалари бериш, фойдаланиш ҳамда сегментациялашда ер қонун­ларига риоя этилишига доир текши­рувлар натижалари бўйича вилоят прокуратурасининг ҳайъат мажлиси ўтди, деб хабар беради Жанубий Қозоғистон вилоят прокуратураси. Мажлисда ҳокимликларнинг ер му­­­носабатлари соҳасидаги ишлари тегишли даражада бажарилмаётганлиги, ер участкалари бериш вақтида кўплаб қонун­бузарликларга йўл қўйилганлиги қайд этилди. Расмийлаштирилган қал­баки ҳужжатлар асосида Сайрам ту­манида ер қонунчилиги талаблари сақланмай, 50 гектар ер участкаси 400та хусусий уй қурилиши учун бўлиб бе­рилган.

Туркистон шаҳрида ерни кимошди савдоси ва танловлар орқали со­тиш бўйича комиссиянинг қалбаки прото­коллари асосида майдони 100 гектарни ташкил этадиган 130дан зиёд участка ноқонуний расмийлаштирилган. На­тижада давлатга 700 млн. тенгедан зиёд зарар келтирилган. Бугунги кунда юқорида қайд этилган маълумотлар бўйича тергов ишлари олиб борилмоқда.

Шунингдек, ноқонуний берилган ер­ларни давлат тасарруфига қайтариш чоралари бошланди. Жорий йилнинг олти ойида прокурорлар қабул қилган қарорлар натижасида 73 шахс турли даражада жавобгарликка (интизомий, маъмурий) тортилди, кадастр қиймати 1 млрд. тенгелик 19 мингдан зиёд ер участкалари давлатга қайтарилди.

Ҳайъат йиғилишининг натижалари бўйича маҳаллий ҳамда ваколатли давлат органларига ер соҳасидаги қонунчиликни таъминлаш йўналишида аниқ вазифалар берилди.