Давлат раҳбари Нурсултан Назарбаев Мудофаа вазирлиги раҳбарияти билан учрашди

Мулоқот чоғида Нурсултан Назарбаев Қозоғистон Қуролли кучлари 25 йил мобайнида давлат ва шахсий таркибнинг куч-ғайрати туфайли армиямиз Мустақилликдек улуғ неъматнинг ишончли кафолати бўлиб хизмат қилиб, қудратли ҳарбий салоҳиятга эга давлатнинг таянчига айланганини таъкидлади. 

– Сўнгги йилларда Қуролли кучларни юксалтириш борасида кенг қамровли тадбирлар амалга оширилди, чунончи, Миллий хавфсизлик стратегияси, Қозоғистон Республикасининг Ҳарбий доктринаси, Қуролли кучларни тараққий эттириш концепцияси ҳамда мудофаа соҳасига оид меъёрий-ҳуқуқий актлар бор, – деди Президент.

Давлат раҳбари геосиёсий аҳволнинг ўзгариши ва янги таҳдидларнинг пайдо бўлиши шароитида Мудофаа вазирлиги олдида турган асосий вазифаларнинг бири қурол-аслаҳаларни технологик жиҳатдан такомиллаштириш ва янгилаш эканини таъкидлади. 

Шу сабабли Мудофаа вазири лавозимига муносиб номзодни, яъни, хавфсизлик масалалари бўйича ёрдамчим – Хавфсизлик Кенгаши котиби Ермекбаев Нурлан Байзақулини тайинлашга қарор қилдим. Ш. Ермекбаев ҳарбий зобит, хизматда тажрибага эга, шунингдек, можароли минтақаларда хизмат қилган, – деди Н. Назарбаев.

Давлат раҳбари ҳарбийларнинг тайёргарлигини ошириш масаласига эътибор қаратди. 

– Қуролли Кучларимизни ислоҳ этиш жараёнида уни замонавий қурол-яроғ ва техника билан таъминлаш, ҳарбийларнинг жанговар қобилият ва тайёргарлигини ошириш билан бирга, миллий армиямиздаги маънавий-ахлоқий муҳитни тубдан яхшилаш, ҳарбийларнинг маънавий оламини юксалтириш ҳамда руҳан тоблантиришга алоҳида эътибор қаратиш зарур, – деди Элбоши.

Учрашув ниҳоясида Қозоғистон Президенти Қуролли кучларни ривожлантириш бўйича қатор аниқ топшириқлар берди.