Ўрдабоши туманида ёзувчи, драматург, жамоат арбоби Дулат Исабеков кутубхонасининг тантанали очилиш маросими ўтди. Унда иштирок этган Туркистон вилояти ҳокимининг ўринбосари У. Садибеков минтақа раҳбарининг табрик хатини ўқиб, эшиттирди.

Унда шундай жумлалар бор: “Ўрдабоши тумани, Жанатурмис овулида сизнинг номингиздаги кутубхонанинг очилиши билан чин юракдан табриклайман. Асарларингиз ҳаётийлиги билан мухлисларнинг меҳрини қозонган. Дунё тан олган адабиётимизнинг ривожига қўшган ҳиссангиз мўл. Ишончим комилки, ўз фаолиятингиз билан юртимизнинг гуллаб-яшнашига улуш қўшаверасиз”.

Кутубхонанинг очилиши муносабати билан Д. Исабековни Ёзувчилар уюшмаси раиси, таниқли ижодкорлар, зиёлилар қутладилар. “Маънавий янгиланиш” дастури доирасида фаолиятини бошлаган зиё маскани ўқувчилари ташкилотчиларга миннатдорчилик билдиришди. 

Тантана сўнггида Дулат Исабеков китобхонларга миннатдорчилик билдириб, келгусида ҳам қозоқ адабиётининг ривожи йўлида хизмат қилишини таъкидлади.