Жорий йилда Жанубий Қозоғистон вилояти лагер­ларида 579 мингдан зиёд мактаб ўқувчисининг дам олиши режаланмоқда. Ёзги ҳордиқни самарали ташкил этиш учун турли йў­налишлардаги 1858 маскан ишлаб туради. 

Вилоятдаги дам олишга борадиган болалардан 32 минг нафарига бепул йўлланма берилади. Шунингдек,  15 минг бола бошқа вилоятлар ва мамлакатлардаги лагерларга йўл олади. 200 845 ўқувчи мактаблар қошида ташкил этилган масканларда ҳордиқ чиқаради, 4та бола­лар уйидаги ота-она ғам­хўр­лигисиз қолган 300 нафар тар­бияланувчи ҳам кузгача бепул дам олади. 

Ёзги лагерлар 5 июндан иш бошлайди. Уларнинг барчаси болаларни кутиб олишга тайёр. 

Шуни ҳам айтиш керакки, июнь-июль ойларида ўсиб келаётган авлодни мин­тақа­нинг тарихий жойлари билан таништириш ва ўл­камиз маданиятини тарғиб қилиш мақсадида мактаб ва ҳунар-техника таълим му­ассасаларининг 110 минг ўқув­чиси учун “Туғилган ерга таъзим” тадбири уюштирилади.   

Астанада ўтадиган  ЭКС­ПО-2017 кўргазмасига ҳам 4 000 боланинг бориши кутилмоқда.