ҚР Бош вазири Б. Сағинтаев раислигида Ҳукуматнинг навбатдаги мажлиси ўтди. Кун тартиби мамлакатимизнинг 2018 йил 8 ойидаги ижтимоий-иқтисодий ривожланиш ва республика бюджетининг бажарилишига бағишланди. 

Ҳукумат раҳбарининг расмий сайтида хабар қилинганидай, Миллий иқтисодиёт вазири Т. Сулейменов айтмоқчи минтақалар билан бевосита алоқада жорий йилнинг январь-август ойларида Қозоғистон иқтисодиётининг ижобий ўсиш жараёни сақланиб қолган. 

ҚР Молия вазири Б. Султанов эса йилнинг саккиз ойидаги бюджетнинг бажарилишидаги асосий кўрсаткичлар ҳақида маъруза қилди. Бюджетнинг асосий кўрсаткичлари бирмунча яхшиланган. 

Давлат бюджетига (трансфертларсиз) 5,252 трлн. тенге даромад тушди. Бу маблағ 2015 йилнинг умумий ҳажмидан 74 млрд. тенге ортиқ. Иқтисодиётнинг барча соҳаларида макроиқтисодий кўрсаткичларнинг яхшиланиши, жумладан, нефть ва металл нархининг ўсиши даромадларнинг кўпайишига бирдан-бир сабаб бўлди. Шунингдек, бунга солиқ-божхона маъмурий тартиблари самарадорлигининг оширилиши ҳам таъсир кўрсатди.  

 – Бюджетларнинг барча поғоналарида даромадлар бўйича жорий режалар ортиғи билан бажарилди. Давлат бюджети – 104,7 фоиз, республика бюджети – 103,7 фоиз ҳамда маҳаллий бюджет – 107 фоизга адо этилди. Аниқ режанинг йил сўнгига қадар тўлиқ бажарилиши учун ҳеч қандай тўсиқ йўқ, – деди Б. Султанов.

Ўз навбатида, бюджетнинг 8 ойдаги бажарилиши доирасида Туркистон вилояти ҳокими Ж. Туймебаев республика бюджетдан ажратилган, ўзлаштирилмаган 1,9 млрд. тенге миқдоридаги мақсадли трансфетлар ҳақида гапирди. 

 – Умуман олганда, маҳаллий бюджетнинг даромадлар режаси 109,7 фоизга бажарилиб, 7,3 млрд. тенге қўшимча маблағ тушди. Ўтган йилнинг шу даврига нисбатан 1,5 млрд. тенгега ўсган. Ўзлаштирилмаганлиги сабабли 2 млрд. тенге Шимкент шаҳри бўйича республика ҳамда вилоят бюджетидан қаралган расмий трансфертлар ҳисобидан турибди. Бу маблағ республика бюджетига тегишли ўзгаришлар киритилгандан сўнг вилоят бюджетидан қисқартирилиб, шаҳар бюджетига ағдарилади. Қолган қисмини йил сўнггига қадар ўзлаштирамиз, – деди вилоят ҳокими Ж. Туймебаев. 

Ўз навбатида, Б. Сағинтаев янгидан қурилаётган Туркистон вилоятига келгусида Элбошининг топшириқларига мувофиқ, муайян маблағ ажратилишини маълум қилди. Ана шу маблағнинг ўз вақтида, ўзлаштирилиши зарурлигини минтақа раҳбарига тушунтириб, барча ҳокимларга бу масалага ўта масъулият билан ёндашишни топширди.