Туркистон вилояти ҳокими Жансейит Туймебаев таниқли кинорежиссёр, Қозоғистонда хизмат кўрсатган арбоб Сергей Азимов ва фалсафа фанлари доктори, профессор Жақипбек Элтаев билан учрашди. 

Учрашувда меҳмонлар Туркистон тарихининг аҳамияти ва роли ҳақида сўз юритишди.

 Вилоят раҳбари Жансейит Қансейитули Туркистонни гуллатишга йўналтирилган ғоялар ва лойиҳаларни биргаликда амалга ошириш зарурлигини айтди. 

Учрашувда режиссёр Сергей Азимов ҳозирги кунда Ўтирор туманида буюк олим Ал Форобий ҳақида бадиий фильм суратга олинаётганини айтиб, келгусида Туркистон шаҳри ва Яссавий ҳақида асарлар яратиш ниятида эканини билдирди. 

– Яссавий бобомизнинг болалик чоғидан бошлаб, шахс сифатида шаклланиши ҳамда ўша пайтдаги Ясси минтақаси ҳақида тарихий асар яратишни мўлжаллаяпмиз. Ушбу фильмда алломанинг комил илми, мактаби, асарлари қамраб олинади. Шунингдек, ҳозирги Туркистон билан боғлаб, бутун туркийларнинг марказига айланган Туроннинг қиёфаси кўрсатилади, – деди Сергей Жумабайули. 

Учрашувда қатнашган олим Жақипбек Алтайули эса Туркистоннинг тарихига бағишланган халқаро илмий анжуманларни ташкил этиш зарурлигини тилга олди.