Туркистонда вилоят ички сиёсат бошқармаси бошлиғи Б. Тажибаев раҳ­барлигида Элбошимизнинг маънавий янгиланиш дастури доирасида «ТАҢ­ҒА­­­­­­ЖАЙЫП ТҮРКІСТАН» танлови бошла­­­нишига бағишланган тадбир ўтди. 

Уни бошқарган ХҚТУдаги маънавий янги­­­­­­ланиш дастури етакчиси А. Абуов танловда ёшларнинг фаол иштироки зарурлигини таъкид­лади. Сўзга чиққан Б. Тажибаев залда тўпланган ХҚТУ журналистика факультети талабаларига мурожаат этиб, ушбу танлов Туркистон тари­хини билиш, ўрганиш, Элбошимизнинг шу йил 19 июндаги Туркистон вилоятини ташкил этиш хусу­сидаги Фармони моҳияти, мақсадлари йўли­­­­­­­­­даги муштарак қадам эканлигини таъкид­лади.

– Мен ҳам журналистман, вилоятда, пой­тахт­да ишладим. Мана Туркистон вилояти ички сиёсат бошқармасига раҳбарлик қиляпман. Ёшлар билан ҳамжиҳатликда ишлаш, ёш журна­листлар учун шароитлар яратиш, турли тан­ловларга жалб этиш фаолиятимизнинг бир йўналиши ҳисоб­­­ланади. Мукофот жамғармаси 1 млн 350 минг тенгени ташкил этадиган танлов шартлари билан бизнинг бошқарма ижтимоий тармоғи сайтига кириб, батафсил маълумот олишларингиз мумкин. Асосан фото тасвирлар йўлланади. «ТАҢҒАЖАЙЫП ТҮРКІСТАН» танлови фаоллари, ғолиблари мана шу залдаги ёшлардан чиқади, – деди Б. Тажибаев. Шунингдек, у талаба ёшларнинг саволларига жавоб берди.