Буни шаҳар Новвойлар уюшмаси раҳбарияти  маълум қилди.

Ҳамжамият раиси Абдумалик Кўмекбаевнинг таъкидлашича, ҳуқуқий шахсларга коммунал хизмат ҳақлари оширилса ҳам (2016 йилдан бошлаб сув – 24,7 фоизга, электр қуввати – 27,2 фоизга қимматлашган), шунингдек, ёнилғи баҳоси кўтарилганига (АИ-92 – 25,2 фоиз, дизель ёнилғиси – 105,01 фоиз) қарамай шаҳар ҳокимлиги билан келишув туфайли новвойлар энг зарур озиқ-овқатлар қаторида бир неча йил нон баҳосини кўтармай, ушлаб турган.

Шу сабабли, 17 сентябргача бир булка нон баҳоси 50 тенге эди.

Шимкент шаҳар Тадбиркорлик ва индустриявий-инновациявий ривожланиш бошқармаси раҳбари Асет Абдрахановнинг айтишича, ҳокимлик аҳволни назорат қилиш билан чекланиб қолмади.

– Новвойлар уюшмаси вакиллари билан ўтказилган қатор музокаралардан сўнг, калькуляцияга мувофиқлаштирилиб, нон баҳосини келишиб олишди. Энди Шимкентда бир булка нон – 60 тенге бўлади. Шунингдек, ҳокимлик томонидан ижтимоий маҳсулотнинг баҳосига кундаликда мониторинг юритилади. Яъни, нон баҳосининг яна ўсишига йўл қўйилмайди, – деди у.

Холбуки, ҳозир Шимкентдаги нон элимизда энг паст баҳода сотилмоқда.