Туркистон вилояти ҳамда Ўзбекистон Республикаси чегара ҳудудининг узунлиги 958,76 чақиримни ташкил этади. Бизнинг минтақа эса қўшни давлатнинг Тошкент, Сирдарё ҳамда Жиззах вилоятлари билан чегарадош. Туркистон вилояти давлат даромадлари департаменти маълумотига кўра, Ўзбекистон Республикаси билан чегарада 6та божхона бекати бор. Шундан автотранспорт воситаларини ўтказадигани “Қазиғурт”, “Жібек Жолы”, “Қапланбек”, “Б. Қўнисбаев”, “Атамекен” бўлса, темир йўл вагонлари  2та текшириш пунктидан ўтади.

Бугунги кунда “Б. Қўнисбаев” божхона бекати туну кун ишламоқда. Бекатнинг юк автомашиналарини ўтказиш қуввати – кунига 100 дона. 

2018 йил 11 октябрь куни тунги соат 01.00да “Б. Қўнисбаев” божхона бекатига кираверишда Қозоғистон чегараси томонида тахминан 200дан зиёд транспорт воситаси навбатда туриб қолган. Бир суткада божхона бекати орқали Ўзбекистон Республикасига 152та юк, 17та енгил транспорт воситаси ўтказилди. Божхона бекатидан ўтадиган ҳар бир автомашинани текширишга 7-9 дақиқа кетади.

Туркистон вилояти бўйича Давлат даромадлари департаменти ҳамда божхона бекатига Ўзбекистон Республикаси ҳайдовчилари томонидан таъмагирлик бўйича шикоятлар келиб тушмаган.

Ҳозирда божхона бекатида навбатчилик икки кунлик кучайтирилган тартибга алмаштирилди. Мазкур масала департамент назоратига олинди. Шунингдек, юк ташувчиларга тушунтириш ишлари олиб борадиган махсус ишчи гуруҳи тузилди.