Нурсултан Назарбаев “Азия – Европа” (АСЕМ) форуми XII саммитининг очилиш маросимига келгач, Франция Республикаси Президенти Эмманюэль Макрон билан учрашди. 

Давлат раҳбари икки мамлакат ўртасида дипломатик алоқаларнинг ўрнатилганига 26 йил тўлганини ҳамда шу давр оралиғида барча керакли шартномавий-ҳуқуқий база шаклланганини таъкидлади.

– Бугунги учрашувимиз туфайли Қозоғистон ва Франция ўртасидаги муносабатлар янги босқичга кўтарилишига ишонаман. Малакатимизда Франциянинг ўнлаб компанияси фаолият юритади, ўзаро товар айланмаси ҳажми 5 миллиард АҚШ долларига етиши мумкин, – деди Қозоғистон Президенти.

Э. Макрон Нурсултан Назарбаевга эҳтиром кўрсатиб, Қозоғистон ва Франция ўртасида стратегик ҳамкорлик тўғрисидаги шартноманинг 10 йиллиги арафасидаги мазкур учрашувнинг рамзий маънога эга эканини таъкидлади.

– Жаноб Президент, сиз билан танишганимдан ғоят хурсандман. Мен президентлик лавозимига келганимдан бери илк бор учрашмоқдамиз. Сиз билан қатор масалаларни муҳокама қилиб, муносабатларингизни билгим келади, – деди Франция Президенти.

Ўзаро ишонч вазиятида ўтган учрашув давомида икки томонлама муносабатлар масаласи муҳокама қилиниб, минтақавий ва халқаро кун тартибидаги энг долзарб муаммолар ҳақида фикр алмашилди.