Павлодар ва Ғарбий Қозоғистон вилоятлари Туркистондаги  тарихий муқаддас жойлар марказини қуриб беради

ҚР Президенти Нурсултан Назарбаевнинг махсус топшириғини бажариш доирасида Туркистон шаҳрига Павлодар вилояти меъмор­­­­­­­­­­­чилик  ва шаҳарсозлик бошқармаси раҳбари Нурлан Қақам­­бетов ва Ғарбий Қозоғистон вилояти қурилиш бошқармаси раҳбари Алтинбек Қайсағалиев келдилар. Меҳмонлар вилоят ҳокими Ж. Туймебаев қабулида бў­либ, Туркистон вилояти тари­хий-муқаддас жойларининг Марка­зи қурилишига бағишланган маж­лисда иштирок этдилар.

–  Элбоши топшириғига муво­­­­­фиқ, Туркистон шаҳрида қури­ладиган иншоотларни аниқлашга биринчи бўлиб, Павлодар ва Ғарбий Қозоғистон вилоятлари вакиллари келишди. Бунинг учун Сизларга ҳамда Павлодар ви­­­­лояти ҳокими Бўлат Бақауов ва Ғарбий Қозоғистон вилояти ҳокими Алтай Кўлгиновга та­шак­­­куримни билдираман. Даст­аввал, майдондаги тарихий ёд­горликларнинг жойлашувини тартибга келтириш керак. Мар­казда қад кўтарадиган мажмуа­­­­­­­­­­­ларнинг баланд­­­лиги тахминан 3-4 метр бўлади. Берилган топшириқни бажариш учун биз уч томонлама шартнома тузиб, йўл харитасини тайёрлаймиз, – деди Жансейит Қансейитули.    

Йиғилиш давомида минтақа раҳбари қурилиш ишлари шу йилнинг ўзида бошланиши керак­лигини таъкидлади. Ўз навбатида шаҳар меҳмонлари янги вилоят марказини обо­донлаштиришга имкон борича қўллов кўрсатишга тайёрлик­ларини маълум қилишди.