Савол: Менга ишга жойлаша­­ёт­­­­­­ганимда икки ҳафта синов муд­дати белгиланиб, стажёрлик қи­­лишим кераклигини айтишди. 

Агар уларга маъқул келсам, меҳ­­нат шартномасини тузишни ай­тишди. Стажёрлик муддатига ҳақ тўланмас экан. Шу қону­­­нийми?

Жавоб: ҚР Меҳнат кодексининг 24-моддасига мувофиқ, меҳнат шартномасига кўра, ходим меҳнат тартибини сақлаган ҳолда ўз ихтисослиги бўйича вазифасини бажаради ва унга ҳақ тўланади. Қозоғистон Рес­­­публикаси Меҳнат Қонунида кўр­са­­­­­­­­тилганидек, жа­моа шартномалари, томон­лар келишуви бўйича иш берувчи меҳнат шаро­итини яратиб, иш ҳақи ва бошқа тўловларни ўз вақтида, тўлиқ бериши керак.  

Яъни, ходимга юқорида айтилган шартлар бў­­­йича ойлик маош тўланади.

Кодекснинг 36-моддасига мувофиқ, меҳнат шарт­­номасида синов шарти ишчига топшириладиган вазифа унинг ихтисосига тўғри келиш-келмаслигини текшириш мақсадида белгиланади. Шартномада ушбу шартнинг йўқлиги, ходимнинг синов муд­да­тисиз ишга қабул қилинганини билдиради.

Синов муддати меҳнат шартномаси кучга кир­ган кундан бошланади. Синов муддати вақтида хо­димларга Кодекснинг меъёрлари, меҳнат шарт­лари, жамоа шартномалари тарқатилади.

Синов муддати ходимнинг меҳнат стажига кира­ди ва уч ойдан ошмаслиги керак. 

Ишга синов муддатисиз қабул қилинадиган шахслар:

танлов бўйича ишга кирганлар;

ўрта махсус ва олий ўқув юртини тугатиб, 1 йил ичида ўз мутахассислиги бўйича ишга кираётганлар;

ногиронлар.