Туркистон вилояти ҳокими Жан­­­­­­­­­­­­­се­­йит Туй­мебаев “KK-KIUN­SEN” компанияси ди­ректори Жон Енг Сун бош­­­­чи­лигидаги де­­­­­­­­­­­легация билан уч­­­рашди. 

Унда минтақамизда сармоявий лойи­­­­­­­ҳа­ларни амалга ошириш масала­лари муҳокама қилинди.

Вилоят ҳокими учра­шувда меҳ­монларни минта­қамизнинг иқтисодий аҳволи билан таништириб, қўшма сармоявий лойиҳаларни амалга оши­ришга тайёр­лигини маълум қилди.

– Жанубий Кореяни янги техно­логия, қишлоқ хўжалиги, саноат соҳа­лари тараққий этган мамлакат си­фатида яхши таниймиз. Келажакда ана шу соҳаларда алоқа ўрнатиб, икки давлат ўртасидаги дўстлик му­­­носабатларини кучайтиришимизга ишонаман. Туркистон вилояти кор­хоналар очиб, тадбиркорликни ри­вожлантириш учун қулай ўлка. Шундай экан, минтақамизда янги лойиҳалар ишлаб чиқиб, иш юритишни истаган сармоядорларга турли имтиёз ва имкониятлар етарли, – деди Жансейит Қансейитули.

Учрашув давомида меҳмонлар Байдибек туманида умумий қиймати 7,4 млрд. тенгени ташкил қиладиган қуёш электр станцияси қуришни так­лиф қилишди. Жамбил овулида барпо этиладиган станция майдони 1200 гектар бўлади. Лойиҳа амалга ошса, 10 Мвт. электр энергияси ишлаб чи­қа­рилади ва 50 киши иш билан таъмин­ланади.