Давлат раҳбари йиғилишда сўзлаган нутқида глобал хавф-хатарларни камайтириш имконини берадиган ечимларни шакллантириш ва излаш жараёнида Астана клубининг муҳим ўрин тутиши ва долзарблигини таъкидлади. 

Шунингдек, Элбоши Яқин Шарқ элларидаги муаммоларнинг ҳал этилаётгани халқаро террористик ва экстремистик гуруҳларнинг ҳаракатлари туфали туғилаётган таҳдидлар ҳақида гап юритди.

Қозоғистон Президенти савдо соҳасидаги зиддиятлар ва санкциявий урушлар шароитида жаҳон мамлакатлари қўллаётган коммуникация воситаларининг хавфсизлиги масалаларига тўхталди.

Нурсултан Назарбаев дунёвий хавф-хатарларни бартараф қилиш йўлида янги қарорларни излаштириш мақсадида 1975 йилги Хельсинки якуний актини янгилаб, 2020 йили хавфсизлик ва ҳамкорликка бағишланган анжуман ўтказишни таклиф қилди.

Давлат раҳбари ядровий қуролларни янада қисқартириш ва ядровий қуролдан озод минтақалар барпо этиш тўғрисидаги шартномаларни жонлантириш орқали ядровий давлатлар ўртасида ўзаро ишончга асосланган мулоқот ўрнатишнинг аҳамиятини айтди. Қозоғистон Президенти халқаро ҳамжамиятни яна бир бор ядровий қуролдан холи олам қуришга чақирди.

Нурсултан Назарбаев жаҳон савдо соҳасидаги низоли масалаларни ҳал этиш учун манфаатдор томонларга Бутунжаҳон савдо ташкилоти доирасида кўп томонлама форматда музокаралар столига ўтиришни таклиф қилди. 

Давлат раҳбари Осиёда жамоавий хавфсизлик ташкилотини тузиш кераклигини айтди.

Шунингдек, Нурсултан Назарбаев хавфсизлик тўғрисидаги Мюнхен халқаро анжумани каби нуфузли учрашувларни ташкиллаштиришдаги тажрибани унутмаган ҳолда, Астана клуби базасида Евроосиёдаги хавфсизлик тўғрисидаги анжуманни ўтказишни таклиф қилди.