“Қозоқ дастурхони” анъанавий  фестивали бу гал Шимкентдаги “Арнау” тўйхонасида ўтди. Туркистон вилоятидаги этномаданият бир­лашмалари ва­­­­­­­киллари турли услубларда пиширилган "эт"ни ҳакамлар ҳайъати эътиборига ҳавола қилдилар.

Ҳайъат аъзолари турфа таомлар ичидан энг ма­залисини танлаб олишдек мушкул вазифа олдида бош қашиб қолишди.– Вилоятимиз ошпазлари маҳоратини,  бой маданиятимизни кўз-кўз қилишга бағишланган ушбу танловни ўтказишдан мақ­сад – минтақамизда истиқомат қилаётган турли миллат вакил­ларини жипслаштириб, улар ўр­тасидаги меҳр ришталарини мус­таҳкамлашдан иборат, – дейди Туркистон вилоят Қозоғистон халқи Ассамблеяси раҳбари ва­зифасини бажарувчиси З. Усип­ахметов. 

Жорий йилда байрам иш­­­­­­­­­­­­­­­тирокчилари қозоқ дас­­­­­­­­­­­тур­хо­ни­нинг бош таомини тайёрлаш бо­раси­да беллашишди. Вилоят ўзбек этномаданият бирлашмаси раисининг ўринбосари Г. Расу­лова бу тадбирда иккинчи бор иштирок этаётганини айтиб, ҳа­камлар эътиборига ҳавола этил­ган миллий таомлар дастур­хо­нини уюштиришга бош-қош бўл­ган Султонработ қишлоғидаги “Шаҳ­зод” қаҳвахонаси соҳиби Э. Аб­­­­­­­­дукаримова ва ошпаз З. Ҳожи­­­­матовага миннатдорчилик бил­­­дирди.

Тайёрланган таомнинг энг мазалисини аниқлаш ҳакамларга осон бўлмасада, уни тайёрлаш қои­­далари ва дастурхонга дид би­лан тортиш усул­ларига қараб, энг яхшиси аниқланди. Эрон эт­номаданият бирлашмаси тақ­дим этган таом энг мазали деб топилди ва иштирокчилар юқори ба­­ҳолаб, лаганларни тезда бў­шатишди.