Қарноқ қишлоғи ўзбек этномаданият бирлашмаси қошида ташкил этилган «Сўғ­диёна» миллий чолғу асбоблари дас­­­­­­­­­­­­­­­­таси Кентов, Туркистон, Шимкент, Сай­­­­­рам, Иқон, Қорабулоқ, Бирлик ҳамда мам­­­­лакатимиз пойтахти Астанада ижо­дий сафарларда бўлган. Бир неча марта вилоят миқёсидаги танловларда ғолибликка эришган. 

Жорий йил 30 ноябрь ва 1 декабрь кун­­лари Астана сафари чоғида Қозоғистон халқи Ассамблеясининг таклифига биноан концерт дастурларини намойиш этди. Даста таркибида Ҳусан Са­диров маъмур сифатида ҳамда танбурда, Рахим Бакиев бадиий раҳбар ва прима рубобда, Шуҳрат Исоқов афғон рубобида, Расул Қовунбоев торда, Маҳмуд Абду­сат­торов ру­­бобда, Наргиза ва Ма­дина Бобо­шевалар чанг ҳамда най­да, Диё­ра Бойметова дуторда, Му­род Қам­­­­­­­барбеков доирада жўр бўлиб ту­­ришса, Файзулла Мир­заҳмедов карнай-сурнайчилар гу­руҳига бошчилик қилди.

Сафарда Кентовдан Гулчеҳра Аҳмедова бошчилигида «Рапсодия» рақс гуруҳи, вилоят ўзбек этно­ма­данияти бирлашмаси хотин-қизлар кенгаши раисаси ўринбосари Дил­дор Ҳабибова, фаоллардан Ман­­­­сур Матмусаевлар ҳам иштирок этишди. Қарноқ қишлоқ ўзбек эт­­номаданият бирлашмаси раи­си Бекзод Ҳабибов «Сўғдиёна» дас­­­тасининг миллий либослар билан таъмин­ланишига ҳомийлик қилди. 

– «Сўғдиёна» қишлоғимиз, шаҳ­ри­миз, вилоятимизнинг фахри десак арзийди, – дейди унинг таш­ки­­­лотчи­ларидан бири – Ҳусан Са­диров.