Куни кеча Туркистонда Элбошимизнинг “Келажакка йўлланма: маънавий янгиланиш” мақоласи доирасида чоп этилган “Жанубий Қозоғистон вилоятининг тарихий жойлари ҳамда муқаддас қадамжолари”, “Жанубнинг хосиятли жойлари: ривоят ва афсоналар” номли икки китобнинг тақдимот маросими ўтди. Тадбирни Туркистон вилоят ички сиёсат бошқармаси ташкил этди.

Унда фахрийлар, зиёлилар, олимлар ва ОАВ вакиллари қатнашдилар. Тадбирни очган вилоят ҳокими Ж. Туй­ме­баев “Маънавий янгиланиш” дастури дои­расида нашр этилган китобларнинг аҳа­миятига тўхталиб, уларнинг бебаҳо рисо­ла эканлигини таъкидлади.

– Элбошимизнинг “Келажакка йўлланма: маънавий янгиланиш” дастурий мақо­ла­сида белгиланган вазифаларни амалга ошириш учун топшириқ берган эди. Мана шунга биноан, “Маънавий янгиланиш” дас­тури доирасида вилоятимизда иккита қимматбаҳо китоб чоп этилди. Мазкур китоблар ўқувчи учун жуда муҳим. Биз ўз тарихимиз ҳамда ўлкамизнинг кўп асрдан бери келаётган шажарасини билиш орқали миллий ўзлигимизни, миллий кодимизни сақлай оламиз. Мазкур китоблар маънавий янгиланиш учун жуда муҳим. 

“Маънавий янгиланиш” дастури ҳам­да “Буюк даштнинг етти қирраси” мақо­лаларида белгиланган топшириқларни бажариш йўналишидаги ҳам ишлар келгу­сида  давом этади, – деди вилоят ҳокими.