Қозоғистон Рес­публикаси Пре­зиденти девони ҳам­да Сўзоқ туман маслаҳати розилиги ва Жанубий Қозо­ғистон вилояти ҳокимининг фар­мойишига биноан Салихан Сабирули Пўлатов Сўзоқ ту­манининг ҳокими этиб тайинланди. Вилоят ҳокимининг биринчи ўринбосари Дархан Сатибалди янги ҳокимни ту­ман фаолларига таништирди. 

С. Пўлатов 1959 йилда туғилган. Олий маълумотли, муҳандис-металлург, иқтисодчи ихтисосларига эга.

Меҳнат фаолиятини 1982 йил “Манкентживмаш” заводида муҳандис-технолог сифатида бошлаган. 1983-2005 йиллар оралиғида Шимкент қўрғошин заводи эритувчиси, катта устаси, “Шимкент қўрғошин заводи” ҲЖ бошқаруви бошлиғининг ўринбосари, “Южполиметалл” ёпиқ ҳиссадорлик жамияти дирек­тори ўринбосари лавозимларида меҳнат қилди. 

2005-2016 йилларда Жанубий Қозоғистон вилоят сафарбарликка тайёргарлик, фуқаро мудофааси ҳамда авариялар ва табиий офатларнинг олдини олиш ва оқибатларини бартараф этиш бошқармаси бошлиғининг ўринбосари, Шимкент шаҳри ҳокими ўринбосари, Ўтрор тумани ҳокими, Жанубий Қозоғистон вилояти ҳокими маслаҳатчиси бўлиб ишлади. 

2016 йил апрелидан Жанубий Қозоғистон вилоят қурилиш бошқармаси раҳбари.