Элимиз Мустақиллигининг 27 йиллиги арафасида Туркистон вилояти маркази Туркистон шаҳрида янги истироҳат боғи фойдаланишга топширилди.

Шаҳарнинг Кентов йўналиши томонидан кираверишдаги 14 гектар ерни эгаллаган «Парасат» истироҳат боғининг қурилиши 2018 йилнинг августида бошланиб, декабрь ойида фойдаланишга топширилди. Ҳордиқ масканининг қурилиш-монтаж ишларига 260 млн. 742.92 тенге ажратилган. Уни «Түркістан жарық тазалық» МЧБ олиб борди. 
Масканнинг очилиш маросимида сўзга чиққан вилоят ҳокими Жансейит Туймебаев шаҳар аҳолисини янги ҳордиқ масканининг очилиш маросими билан табриклади. 
– Туркистон – вилоят маркази сифатида кундан кунга чирой очиб, ободонлашиб бормоқда. Келгусида шаҳарнинг қиёфаси янгиланади. Туркистон – маънавий, маданий, иқтисодий ва ижтимоий жиҳатдан ривожланган шаҳарга айланади. Мана, бугун, Мустақиллик байрами арафасида очилган истироҳат боғи вилоят маркази аҳолисининг севимли дам олиш масканига айланади, деб ўйлайман, – деди Жансейит Қансейитули.
Туркистонликлар ва меҳмонлар боғнинг чиройидан баҳраманд бўлишмоқда. Тунги чироқлару аркалар, смарт-курсилар, фаввора ва тренажер ускуналари, велойўллар ва концерт майдони дам олувчиларга тўлақонли ҳордиқ чиқариш имконини беради. Истироҳат боғини сув билан таъминлаш тизими тўлиқ автоматлаштирилган.