Давлат ва жамоат арбоби, олим ва ёзувчи Мирзатай Жўлдасбековнинг 80 йиллигига бағишланган тантанали тадбирда Қозоғистон Республикаси Парламенти Мажлиси депутати Фахриддин Қоратоев ҳам қатнашиб, юбилярни қутлуғ ёши билан қизғин муборакбод этди. 

Шунингдек, эзгу тилакларини билдириб, Қозоғистон ўзбеклари номидан кифтига миллий чопон ёпди ва Туркистон шаҳри макети туширилган эсдалик совға топширди(суратда).

– Азиз устоз, Сиз бир вақтнинг ўзида ҳам фан тараққиёти, ҳам мустақиллигимизни мустаҳкамлашга хизмат қилдингиз, Элбошининг самарали сиёсатига таянч бўлдингиз. Сизни саксон ёшли муборак тўйингиз билан табриклайман! Умрнинг мана шундай азиз кунида оламдаги барча эзгу тилакларимни сизга армуғон этаман, – деди Ф. Қоратоев.

Р.S: "Жанубий Қозоғистон" газетаси таҳририяти Ф. Қоратоевнинг тилакларига қўшилган ҳолда, Мирзатай Жўлдасбековни ҳаётидаги қутлуғ сана билан самимий қутлаб, унга узоқ умр, сиҳат-саломатлик ва ижодий ютуқлар тилайди.