Туркистон вилояти маркази – Туркистон шаҳрида “Фитнес маркази” биносининг тамал тошини қўйиш маросими ўтди. Тадбирда вилоят ҳокими Жансейит Туймебаев иштирок этиб, бино келажакда соғлом турмуш тарзини шакллантиришга ҳисса қўшади, деб ишонч билдирди. 

– Элнинг мартабаси баланд, ўзи кучли бўлиши учун соғлом турмуш тарзига риоя қилиш лозим. Бу барчамизнинг бурчимиздир. Сабаби, соғлиги мустаҳкам, баркамол инсонларгина давлатнинг саломатлигини оширади. Демак, соғлигимиз мустаҳкам бўлсин десак, спорт билан шуғулланишимиз керак. Соғлом турмуш тарзининг бир тури – фитнес билан шуғулланиш. Туркистон шаҳрида очилаётган “Фитнес Палас” маркази шаҳар аҳолиси ва меҳмонлари учун энг севимли жойлардан бирига айланади, деб ишонаман. Бу ерда бир кеча-кундузда 4000 одам машқлар бажара олади, – деди Ж. Туймебаев.

11200 квадрат метр майдонни ишғол этган замонавий иншоот хусусий сармоядор “ХЭДУЕЙ Корпорацияси” МЧБ ҳисобидан қад кўтаради. 

Таъкидлаш жоизки, ушбу иншоот 2019 йили фойдаланишга топширилади.